Æfingagjöld yngri flokka 2023 – 2024

Fyrirspurnir um æfingagjöld og skráningu má senda á skrifstofa@fh.is

Skráning og greiðslur æfingagjalda fara fram í gegnum Sportabler hér.

Þeir iðkendur sem eru að byrja í fótbolta hjá okkur þurfa að hafa samband við skrifstofa@fh.is til að fá aðgang að Sportabler appinu.

Hagstæðast og þægilegast er að skrá iðkendur allt árið. Sé greitt fyrir stök tímabil bætist 15% álag ofan á heildaræfingagjöldin, og þeim síðan skipt niður.

Barna- og unglingaráð bendir á að hagstæðast er fyrir forráðamenn iðkenda á eldra ári í 8. flokki að skipta greiðslum í 3 tímabil (sept-des,jan-apr og maí-ágú) þar sem möguleiki er að nýta frístundastyrk frá 1. janúar 2023 fyrir iðkendur fædda 2018.

Skipta má greiðslum niður á allt að 12 mánuði.

Barna- og unglingaráð FH hvetur foreldra/forráðamenn eindregið til að kynna sér reglur sveitarfélaga um frístundsstyrk/hvatapeninga. Hægt er að nýta styrkinn strax við skráningu og því er best að ljúka skráningu fyrr en síðar. Fjárhæð styrksins er mismunandi milli sveitarfélaga.

Reglur Hafnarfjarðarbæjar má finna hér.

Greiðsla æfingagjalda er forsenda/skilyrði fyrir þátttöku á æfingum hjá FH og þeim mótum sem iðkendur fara á fyrir hönd félagsins. Þjálfarar skrá mætingar á hverja æfingu. Iðkendur með ógreidd æfingagjöld fá ekki að keppa fyrir hönd FH.

Mikilvægt er að hafa samband við Barna- og unglingaráð FH ef um fjárhagserfiðleika er að ræða og finna úrlausn sem leiðir til áframhaldandi þátttöku iðkandans.

Bent er á að skráning er bindandi fyrir tímabilið og endurgreiðir FH ekki æfingagjöld nema þá að um langvarandi veikindi/slys á barni sé um að ræða eða brottflutning af svæðinu. Slík tilfelli þarf að tilkynna skriflega til FH með tölvupósti á skrifstofa@fh.is . Við bendum á að hægt er að greiða eina önn í einu fyrir þá sem ekki eru vissir um að vera allt tímabilið en vinsamlegast athugið að það er óhagstæðara en að greiða allt tímabilið í einu.

Ekki er heimilt að endurgreiða það sem greitt hefur verið með frístundastyrk Hafnarfjarðarbæjar.