FH mætir í Safamýrina í kvöld

4.3.2010 Heiðar Arnarson
FH mætir Frömmurum í kvöld í Safamýrinni og hefst leikurinn kl 19:30. Frammarar berjast nú fyrir lífi sínu í deildinni. Eru neðstir með 3 stig og þrátt fyrir að hafa ekki náð í stigin hefur leikur þeirra stórbatnað eftir áramótin. FH er í öðru sæti 3 stigum á eftir Haukum og freista þess að minnka bilið milli liðanna niður í 1 stig að því gefnu að Valsmenn hefni ófaranna í bikarúrslitunum um helgina. Það myndi óneitanlega hleypa aftur spennu í toppbaráttuna.

Frammarar verða sýnd veiði en ekki gefin og ekki ólíklegt að þeir komi brjálaðir í leikinn í kvöld hungraðir í stigin tvö. Styðjum við bakið á strákunum okkar og mætum í Safamýrina.

Framkvæmdir í Kaplakrika

Eins og flestir iðkendur, foreldrar og almennir FH-ingar hafa tekið eftir er nóg um að vera á Kaplakrikasvæðinu þessa dagana. Áður en langt um líður komum við til með að eiga eitt allra glæsilegasta íþróttasvæði landsins. En á meðan framkvæmdum stendur þarf að sýna þolinmæði og fara varlega um svæðið. Smelltu hér til að fá nánari upplýsingar um framkvæmdina og aðgengi á svæðinu.

Myndasafn

Könnun

Ætlar þú að mæta á æfingar hjá Hlaupahóp FH