Kaplakriki, laugardagurinn 8. nóvember, kl 16:00
7. umferð N1 deildar kvenna hefst á laugardaginn og munu
okkar stúlkur taka á móti Haukum í
Krikanum. Það er ekki h ægt að búast við
öðru en hörkuleik þar sem um erkifjendur er að ræða.
Gengi liðanna:
FH stelpurnar
hafa byrjað ágætlega, spiluðu síðasta leik við Stjörnuna í Mýrinni og endaði sá
leikur með eins mark tapi. En stelpurnar
voru yfir megnið af seinni hálfleik og voru í raun klaufar að sigra
ekki, eða amk að koma útúr þeim leik með stig. Stelpurnar eru í 7. sæti með 4
Stig, en ætla sér meira en það.
Haukaliðið hefur
átt góða leiki núna upp á síðkastið, unnu til dæmis Fram stelpur í síðustu
umferð og Val þar á undan. Haukastelpur eru í 2. sæti með 10 stig.
Hauka liðið:
Haukastelpurnar
búa yfir sterku liði með þær Hönnu Guðrúnu og Ramone í broddi fylkingar. Fyrir
tímabilið misstu þær Helgu Torfadóttur, Hind Hannesdóttur og Hörpu Melsteð svo
einhverjar séu nefndar. Þær hafa fengið Esteri Óskarsdóttur, Nínu
Arnfinnsdóttur og Tatjana Zukovska. Haukaliðið er geysi sterkt og eru á
mikilli siglingu.
Undirbúningur:
Stelpurnar hafa æft vel undanfarna viku og eru virkilega
spenntar að spila fyrsta leik vetrarins í baráttunni um Fjörðinn. Æfingarnar hafa gengið virkilega vel og liðið
er á uppleið. Það er mikil stemming í
hópnum og ætla stelpurnar sér mikið í þessum leik, enda er Hafnarfjörðurinn
undir.
Ástand:
Ástand hópsins er gott, allar heilar og hafa æft vel með
liðinu. Okkur hefur borist mikill liðstyrkur þar sem að Ásdís Sigurðardóttir og
Kristina Kvaderine hafa gengið til liðs við FH. Það er mikil tilhlökkun fyrir þessum leik og hópurinn er virkilega vel stemmdur.
Líklegt lið:
Markverðir:
Helga Vala Jónsdóttir
Sigríður Arnfjörð Ólafsdóttir
Aðrir leikmenn:
Ingibjörg Pálmadóttir
Líney Rut Guðmundsdóttir
Ebba Særún Brynjarsdóttir
Birna Íris Helgadóttir
Gunnur Sveinsdóttir
Ragnhildur Rósa Guðmundsdóttir
Hildur Þorgeirsdóttir
Hafdís Inga Hinriksdóttir
Ásdís Sigurðardóttir
Arnheiður Guðmundsdóttir
Guðrún Helga Tryggvadóttir
Sigrún Gilsdóttir
Stuðningur:
FH stelpurnar þurfa á öllum ykkar stuðning að halda og
vonast til að sjá alla FH-inga fjölmenna í Krikann kl 16 á laugardaginn.
Stelpurnar eru til alls líklegar og þú, kæri lesandi, gætir verið sá sem gerir
gæfu muninn eftir leik. Liðið er breytt frá því í fyrra, veturinn er í okkar
höndum.FH hefur ekki unnið Hauka í langan tíma og nú er kominn tími á
breytingar. Það er bara spurning, ætlar
þú að taka þátt í þessu ævintýri með okkur í vetur, og skila báðum liðum FH á
toppinn?
Með baráttu-kveðjum
Áfram FH
Hafdís Inga
Hinriksdóttir
