N1 deild karla í handknattleik

Safamýri, fimmtudagurinn 16. október, kl. 19:30

Karlalið FH mun nk. fimmtudag heimsækja Frammara í Safamýrina í N1 deild karla. Um verður að ræða hörkuleik mjög góðra liða. Fram er sem stendur með 4 stig í 3.-6. sæti en FH er í 2. Sæti með 5 stig en leikið einum leik betur.

Gengi liðanna

Gengi liðanna hefur verið gott í byrjun móts. Frammarar hafa unnið tvo leiki, unnu HK sannfærandi í fyrsta leik og því næst Víkinga. Þeir töpuðu síðan nokkuð illa fyrir Völsurum.

FH hafa unnið Akureyri í hörkuleik og Víkinga nokkuð sannfærandi. Við höfum síðan tapað naumlega fyrir HK en gerðum nýlega jafntefli við Val.

Framliðið

Viggó Sigurðsson er kominn aftur í boltann og þjálfar nú Framliðið eftir töluverða pásu. Fram hefur ekki bætt mikið við sig frá því í fyrra. Magnús Stefánsson kom frá Akureyri í vinstri skyttu, Magnús Einarsson frá Aftureldingu í hornið og Davíð Svansson markvörður, einnig úr Mosfellsbænum. Fyrir hjá liðinu eru menn eins og Halldór Sigfússon og stórFHingurinn Andri Berg Haraldsson. Frammarar hafa sett skýr markmið fyrir mótið; að vinna alla titla sem í boði eru.

Undirbúningur

FH spilaði gríðarlega vel gegn Val á laugardaginn var og átti með réttu að halda báðum stigum eftir. Liðið mun mæta grimmt til leiks og ætla sér stóra hluti gegn sterku liði Frammara á fimmtudaginn. Undirbúningur fyrir leikinn er kominn á fullt skrið.

Ástand

Ástand er svipað og áður. Liðið er í góðu ásigkomulagi en nokkrir leikmenn eru frá vegna meiðsla, Ólafur Gústafsson er að jafna sig eftir aðgerð á hné, Hilmar Þór Guðmundsson er að braggast eftir erfið bakmeiðsli sem og Árni Stefán Guðjónsson. Heiðar Örn Arnarson mun í byrjun nóvember leggjast undir hnífinn vegna axlarmeiðsla.

Líklegur hópur á fimmtudag:

Markverðir

Magnús Sigmundsson

Daníel Andrésson

Aðrir leikmenn

Guðmundur Pedersen

Benedikt Reynir Kristinsson

Ólafur Guðmundsson

Ásbjörn Friðriksson

Aron Pálmarsson

Guðni Már Kristinsson

Jón Helgi Jónsson

Ari Þorgeirsson

Þorkell Magnússon

Hjörtur Hinriksson

Sigurður Ágústsson

Sigursteinn Arndal

Staðan

Stuðningur

Stuðningur áhorfenda á laugardaginn var gegn Val var einstakur. Um 900 manns mættu í Krikann á frábæran handboltaleik og studdu frábærlega við liðið. Áfram þurfum við stuðninginn og ég skora á FHinga sem mættu á laugardaginn var til að taka fimmtudagskvöldið frá og styðja við liðið á fimmtudaginn. Liðið hlakkar til leiksins og ætlar sér stóra hluti!

Áfram FH