Fyrsti heimaleikur kvennaliðsins, FH - HK

  vs 

Kaplakriki, laugardagurinn 27. september, kl. 16:00

Önnur umferð N1 deildar kvenna fer fram á morgun, laugardag, og taka okkar stúlkur á móti HK í Krikanum.  Það er ekki hægt að búast við öðru en hörkuleik en þessum tveimur liðum er spáð harðri samkeppni af fyrirliðum og þjálfurum í  deildinni.

Gengi liðanna

Fyrsti leikur vetrarins hjá okkar stelpum var við Gróttu úti á Nesi og tapaðist hann með 1 marki. Stelpurnar voru í raun klaufar að hirða ekki a.m.k. 1 stig en þær hentu hverju tækifærinu á fætur öðru frá sér og því fór sem fór. Fyrri hálfleikurinn var dapur en stelpurnar girtu sig í brók og mættu brjálaðar til síðari hálfleiks og komu sér aftur inn í leikinn. En tap var staðreynd engu að síður og okkar stelpur því stigalausar eftir fyrstu umferðina.

HK liðið tók á móti Fram í Kópavoginum og vann þar heldur óvæntan sigur. Þær áttu dúndur seinni hálfleik og gerðu sér lítið fyrir og unnu Fram liðið, sem lenti í öðru sæti N1 deildarinnar í fyrra með jafnmörg stig og Íslandsmeistarar Stjörnunnar.

HK liðið

HK liðið hefur misst tvo öfluga leikmenn frá síðasta tímabili, systurnar Auði og Rut Jónsdætur. Einnig misstu þær markmann  og markahæsta leikmann N1 deildarinnar í fyrra, svo að eitthvað sé nefnt. Þær hafa aftur á móti fengið Pövlu Plaminkovu frá Gróttu, skyttu frá Ungverjalandi og Jólöntu okkar.  Þannig að liðið er töluvert breytt frá því í fyrra. Erlingur Richardsson þjálfar stelpurnar, hann er klár þjálfari og kann virkilega að berja lið saman.

HK liðið er með einn sterkasta línumann deildarinnar hjá sér ásamt því að eiga sterkan markmann en þar að auki styrkja erlendu leikmennirnir liðið verulega.

Undirbúningur

Stelpurnar hafa æft vel undanfarna viku og eru virkilega spenntar að spila fyrsta heimaleikinn í vetur. Æfingarnar hafa gengið virkilega vel og liðinu hefur gengið vel á æfingum. Það er mikil stemming í hópnum og ætla stelpurnar sér mikinn í þessum leik, sem og öðrum.

Ástand

Ástand hópsins gæti ekki verið betra, allar heilar og hafa æft vel.  Gömlurnar í liðinu eru óðum að komast í gott stand og má með sanni segja að allir leikmenn séu við hestaheilsu.

Líklegur hópur á laugardag:

Markverðir

Helga Vala Jónsdóttir

Sigríður Arnfjörð Ólafsdóttir

Aðrir leikmenn

Ingibjörg Pálmadóttir

Líney Rut Guðmundsdóttir

Birna Íris Helgadóttir

Gunnur Sveinsdóttir

Elín Hrafnsdóttir

Ragnhildur Rósa Guðmundsdóttir

Hafdís Inga Hinriksdóttir

Hildur Þorgeirsdóttir

Arnheiður Guðmundsdóttir

Hafdís Guðjónsdóttir

Guðrún Helga Tryggvadóttir

Sigrún Gilsdóttir

Stuðningur

FH stelpurnar þurfa á öllum ykkar stuðningi að halda og vonast til að FH-ingar fjölmenni í Krikann kl. 16 á morgun, laugardag. Stelpurnar eru til alls líklegar og þú, kæri lesandi, gætir verið sá sem gerir gæfu muninn eftir leik. Liðið er breytt frá því í fyrra, veturinn er í okkar höndum. Það er bara spurning, ætlar þú að taka þátt í þessu ævintýri með okkur í vetur og skila báðum liðum FH á toppinn?

Með baráttu-kveðjum

Áfram FH!!

Hafdís Inga Hinriksdóttir