Á sunnudaginn næsta, 20. maí, fá FH-ingar lið Breiðabliks í heimsókn í Kaplakrika. Bæði lið unnu sína leiki í síðustu umferð og því ekki von á öðru en hörku leik, rétt eins og undanfarin ár.

Þess ber að geta að um sjónvarpsleik er að ræða og því flautað til leiks kl. 20:00.

Búið er að draga í happdrætti knattspyrnudeildar FH. Hér eru vinningsnúmerin, hægt er að vitja vinninga á skrifstofu knattspyrnudeildar FH í Kaplakrika eða hafa samband við Gassa í síma 899-7888.

Nýtt tímabil hefst hjá Bakhjörlum nú þegar knattspyrnutímabilið hefst. Það er því upplagt að ganga frá skráningu núna. Hægt er að ganga frá skráningu hér á síðunni og nánari upplýsingar. Einnig er hægt að senda póst á kort@fh.is

Eins og undanfarin ár verður í sumar starfræktur knattspyrnu- og boltaskóli FH. Skólastjórar verða nú Kristmundur Guðmundsson (Krissi), þjálfari FH og Atli Guðnason leikmaður meistaraflokks karla. Einnig verða þjálfarar yngri flokka FH og leikmenn meistaraflokka félagsins sem leiðbeina á námskeiðunum.

 

Ágætu FH-ingar!

 

Nú á vordögum þegar sólin skín í heiði, sumarið að ganga í garð og dagur að lengjast má segja að við FH-ingar nýtum okkur það, langur dagur í Kaplakrika, handbolti til að byrja með og síðan fótbolti þegar degi fer að halla. Handboltastrákarnir okkar í úrslitaleikjum um Íslandsmeistaratitilinn og fótboltinn að hefja sitt keppnistímabil. Segja má að Kaplakrikavöllur, fótbolti og handbolti, sé sá völlur félagsliðs á Íslandi sem dregur að sér flesta áhorfendur, því þurfum við að halda áfram og fjölmenna í Kaplakrika á sunnudaginn, hvetja okkar frábæru lið og njóta þeirrar skemmtunar sem í boði er. Í handboltanum þurfum við að verja titilinn, handboltastrákarnir okkar í gegnum tíðina hafa unnið marga titla og er FH sigursælasta lið landsins í gegnum áratugina, fótboltaliðið okkar er sigursælasta lið þessarar aldar, þessum árangri þarf að viðhalda, leikmenn, þjálfarar og aðrir sem að liðunum koma munu gera sitt allra besta til þess. Sigrar sem þessir eru langt því frá að vera sjálfsagðir, bak við þá er fjöldi fólks sem vinnur frábært sjálfboðaliðsstarf daginn inn og út og verður þessu fólki seint fullþakkað, einnig hafa stuðningsmenn félagsins lagt sitt af mörkum, mætt vel og hvatt keppnisfólk okkar til dáða en betur má ef duga skal, nú þurfa allir FH-ingar að mæta í Kaplakrika, hvetja strákana, sýna sig, sjá aðra og njóta leikjanna.

Sjáumst í Krikanum á sunnudaginn.

Áfram FH!!!!!!!!!!!!!!!!

 

Viðar Halldórsson

formaður FH

Heilir og sælir FH-ingar.

Nú er að duga eða drepast fyrir okkur í handboltanum og ekki erum við þekktir fyrir það að gefast upp. Það er á tímum sem þessum sem sannir FH-ingar koma í ljós og hvetjum við alla FH-inga til þess að fjölmenna í Krikann og styðja sitt lið, bæði í handboltanum og svo fótboltanum. FH er að fara að spila tvo leiki á sunnudeginum og var því ákveðið að slá í eina svakalega sunnudagsveislu í Krikanum. Húsið opnar kl 14:00.

Herrakvöld knattspyrnudeildar FH verður haldið að Sjónarhóli föstudaginn 27. apríl 2012. Húsið opnar kl 19:00 og borðhald hefst kl 20:00 en matseðlinn er glæsilegur.
Veislustjóri verður Leifur S. Garðarsson. Fyndnasti maður Íslands Daníel Geir verður með uppistand og Halldór Einarsson betur þekktur sem Dóri Henson verður ræðumaður kvöldsins.
Glæsilegt uppboð verður á treyjum frá Gylfa Sig, Hirti Loga, Emma Hall, Matta Vill og fleirum.

Sjónarmið knattspyrnudómarans

Miðvikudaginn 11. apríl kl. 18:00 – 20:00 koma tveir knattspyrnudómarar í heimsókn í Kaplakrika. Það eru þeir Gunnar Jarl Jónsson og Þorvaldur Árnason en þeir þrátt fyrir ungan aldur eru með bestu dómurum landsins.

Þeir koma í samvinnu við KSÍ með fyrirlestur um starf og hlutverk dómarans á knattspyrnuvellinum. Það er gott fyrir foreldra og iðkendur að kynnast starfi og hugsunargangi dómara í starfi.

Við hjá knattspyrnudeild FH viljum að allir sem koma nálægt knattspyrnunni virði dómarann í starfi sínu og þess vegna teljum við þennan fyrirlestur vera einn lið í því að bæta ímynd dómarans á knattspyrnuvellinum.

Fundurinn er opinn öllum sem hafa áhuga á málefnum knattspyrnunnar og er aðgangur ókeypis. Fundarstaður: Veislusalurinn Sjónarhóll.

Með fótboltakveðju:

Steinar Stephensen
Dómarastjóri FH
steinar@fh.is 

Knattspyrnufólkið í FH verður á ferð og flugi í ár og eru margir flokkar á leið út fyrir landsteinana í leit að frekari sigrum á knattspyrnuvellinum.

Smellið á "Meira" til að sjá vinningana og frekari upplýsingar um happdrættið.

Hægt er að kaupa miða hjá leikmönnum meistarflokks kvenna eða Helgu Stínu, s. 822-0365 og helgastina@internet.is