Hafnarfjarðarslagur í úrslitum deildarbikarsins - FH sigraði HK

FH sigraði HK í æsispennandi leik í Flugfélag Íslands deildabikarkeppninni í gær en keppnin er haldin nú milli jóla og nýárs. Eins og flestir vita hefur FH titil að verja. Úrslitaleikurinn verður ekki af verri endanum en það er slagur erkifjenda, FH og Hauka, en Haukarnir unnu Framara stórt í gær.

FHingar unnu þetta á seiglunni í gær en leikurinn fór í framlengingu eftir að HK höfðu haft yfirhöndina mest allan leikinn. Þó hafði FH gullið tækifæri til þess að klára leikinn en HK menn jöfnuðu undir lokinn og markvörður þeirra varði vel síðasta skot leiksins. Í framlengingunni tóku FHingar af skarið í seinni hálfleik og var Atli seigur á línunni fyrir FHinga. Lokatölur 28-26.

Frábær sigur í frábærum leik. Nú er að hlaða byssurnar því úrslitaleikurinn er í kvöld. FHingar vilja að sjálfsögðu hefna ófaranna í Krikanum fyrr í þessum mánuði og halda deildabikarnum áfram þar sem hann á heima. Leikurinn hefst kl 20 og er leikinn í Strandgötu í Hafnarfirði.

Mætum öll og fyllum gryfjuna. Áfram FH!