Getraunakvöld FH 10. febrúar

Getraunastarf FH hefur fengið nýtt tölvupóstfang 1x2@fh.is .  Þannig geta þeir sem þegar hafa tippað hjá okkur og eru með kreditkortin á skrá hjá okkur, sent okkur tölvupóst með seðlunum, ef þeir ekki komast á laugardegi.  Við munum jafnt sem áður vera með opið í krikanum á laugardögum á milli 11 og 14 og hvetjum við sem flesta til að láta sjá sig.  Þeir sem ekki eru með kreditkortin á skrá hjá okkur og þeir sem vilja nota aðrar greiðsluleiðir, eru hvattir til að koma við hjá okkur á laugardögum.

Föstudagskvöldið 10. febrúar verður mikið um að vera hjá okkur í krikanum þegar lið þjálfara mætir liði leikmanna í spurningarkeppni aldarinnar.  Endilega takið kvöldið frá, en nánari upplýsingar um dagskrá verður birt fljótlega.  Upphaflega stóð til að vera með þetta kvöld núna 3. febrúar, en því var frestað um viku vegna þess að meistaraflokkur er að spila á laugardag, en á frí um næstu helgi.