Farsælt samstarf framlengt

Knattspyrnudeild FH og Actavis hafa endurnýjað samstarf sitt til næstu tveggja ára. Samningur þess efnis var undirritaður á gamlársdag. Samstarf FH og Actavis (þá Delta) hófst árið 2001 og fer því í hönd tólfta keppnistímabilið sem fyrirtækið er aðalstuðningsaðili knattspyrnudeildarinnar.
Sá trausti stuðningur sem Actavis hefur veitt FH undangengin ár hefur átt ríkan þátt í að gera félaginu kleift að halda úti sinni öflugu starfsemi í öllum aldursflokkum knattspyrnunnar.

Guðbjörg Edda Eggertsdóttir, forstjóri Actavis, og Jón Rúnar Halldórsson, formaður knattspyrnudeildar FH, undirrituðu nýja samninginn. Við það tækifæri var Guðbjörg Edda sæmd gullmerki FH.