Endaspretturinn
26.8.2011
Davíð A. Stefánsson
Yfirstandandi tímabil hefur verið sérlega gott fyrir mfl. og 2. fl. kv. hjá FH í fótbolta. Meistaraflokkur hefur unnið alla sína leiki í A-riðli 1. deildar, skorað 81 mark en fengið á sig 11, og leikur gegn Haukum í úrslitum um sæti í Pepsi-deildinni að ári. 2. fl. er sem stendur í toppbaráttunni í A-riðli, er komin í bikarúrslitaleikinn og í liðinni vikur varð liðið Íslandsmeistari í 7 manna boltanum.
Framundan eru mikilvægustu leikir ársins fyrir stelpurnar sem sumar hverjar leika bæði með 2. og mfl. Á morgun kl. 12:00 mætir mfl. FH Haukum á Ásvöllum í fyrri leik liðanna um sæti í efstu deild. Síðari leikurinn fer fram í Krikanum þriðjudaginn næstkomandi kl. 17:30. Þriðjudaginn 27. september er svo leikið til úrslita í bikarnum en andstæðingar FH verða Þór frá Akureyri.
Stjórn kvennaráðs FH skorar á alla alvöru FH-inga að mæta á völlinn og styðja stelpurnar. Oft var þörf en nú er nauðsyn. FH skal í efstudeild að ári.