Getraunastarf Fimleikafélags Hafnarfjarðar

Nú er komið að því. Við biðlum til FHinga nær og fjær um að hjálpa til með að gera getraunastarf FH það stærsta í Hafnarfirði, og þó víðar væri leitað. Það þarf ekki að tippa stórt, aðallega að vera með. Eins og staðan er núna þá er annað félag hérna í Hafnarfirði okkur framar þegar kemur að þessu, en það að sjálfsögðu gengur ekki.

Við verðum í Kaplakrika alla laugardaga milli kl. 11 og 13.

Einnig bjóðum við upp á að hægt verði að senda inn raðir með tölvupósti, svona fyrir þá sem ekki eiga heimangengt á laugardagsmorgnum. Fyrir þá sem það kjósa, bendum við á að hafa samband við Héðinn í síma 699 3000 eða á hedinn@kafarinn.is til að fá frekari upplýsingar. Að sjálfsögðu vonumst við samt eftir að sjá sem flesta í krikanum.