Kaplakriki fimmtudagurinn 4. desember 2008 kl 19:30

FH – liðið mætir aftur til leiks eftir landsleikjapásu á fimmtudag. Þá fær liðið Víking í heimsókn í Kaplakrikann og hefst leikurinn kl 19:30.

Gengi liðanna

Víkingar og FHingar komu upp úr 1. deildinni í vor.  Hlutskipti liðanna hefur verið gjörólík í vetur. Víkingar eru með ungt og efnilegt lið og hafa átt ágætis spretti í vetur. Það hefur þó verið á brattan að sækja hjá liðinu og hafa þeir aðeins nælt sér í 1 stig og eru neðstir í deildinni, en þeir gerðu jafntefli við Stjörnuna þann 6. nóvember sl. Víkingar eru því væntanlega afar hungraðir í sinn fyrsta sigur í deildinni og því erfitt verkefni framundan hjá FH liðinu. FH hefur gengið vel í vetur en örlítil niðursveifla hefur verið í síðustu tveimur leikjum með tapi fyrir HK og Akureyri. FH liðið sigraði þar áður Hauka og Stjörnuna, gerðu jafntefli við Fram og Val, töpuðu fyrir HK en sigruðu Akureyri þar á undan. FH hefur 10 stig í 4. sæti.

Munu feðgarnir mætast á fimmtudag?

Víkingsliðið

Þó svo Víkingur eigi enn eftir að sækja sigur í deildinni hefur liðið þó yfir góðum leikmönnum að skipa. Helstu hetjur Víkinga í vetur hafa verið Sverrir Hermannsson, örvhent skytta, Sveinn Þorgeirsson, rétthent skytta og Davíð Georgsson, miðjumaður. Hin gamalreynda kempa Bjarka Sigurðsson hefur gengið til liðs við Víking og lék gegn Val í síðasta leik. Það eru því einhverjar líkur á feðgaslag því sonur Bjarka, Örn ingi Bjarkason leikur með FH liðinu.

Undirbúningur

FH liðið mátti sætta sig við tap gegn sterku HK liði í síðasta leik þar sem slæmur kafli í seinni hálfleik gerði útslagið. Drengirnir hafa hrist það af sér og hafa æft vel í pásunni. Drengirnir eru staðráðnir í að snúa mótlæti síðustu leikja sér í vil og leggja Víkinga á sínum heimavelli.

Ástand

Liðið hefur endurheimt Jón Helga Jónsson aftur úr meiðslum. Hjörtur Hinriksson er enn að jafna sig á ökklameiðslum, Ólafur Gústafsson er að jafna sig eftir hnéaðgerðir, Heiðar Örn Arnarson er að jafna sig eftir axlaraðgerð og Árni Stefán Guðjónsson er enn slæmur í baki.

• Lið FH

• Lið Víkings

• Tölfræði FH liðsins í vetur

• Umfjallanir og úrslit í vetur

Staðan

Aðrir leikir

Stuðningur

Það eru tvö stig í boði á fimmtudag og ekkert annað kemur til greina en að hirða bæði. FH liðið þarf áfram þinn stuðning og um að gera að taka fimmtudagskvöldið frá og sjá frábæran handbolta.

Mætum öll

Áfram FH!!

Ert þú ekki örugglega búinn að skrá þig í Mugg??

Hvað fæ ég við að skrá mig í Mugg?     

• Frítt fyrir fjölskylduna inn á alla heimaleiki meistaraflokka karla og kvenna (ekki þó á tekjuskipta leiki svo sem bikarleiki og oddaleiki í úrslitakeppni)
• Frítt fyrir korthafa og maka á hið veglega Muggarahóf sem haldið er á hverjum vetri og ýmsar aðrar uppákomur yfir veturinn.
• Nafn skuldlausra korthafa lendir í potti einu sinni á ári sem úr er dregin utanlandsferð 
• Þetta allt fyrir aðeins  1.400 krónur hvern mánuð.

Tökum þátt í handboltaveislunni í Krikanum og styðjum strákana og stelpurnar!

Ég vil skrá mig í Mugg

Frekari upplýsingar um Mugg

Áfram FH!!