Dagurinn er runninn upp. Leikur FH og Hauka- baráttan um Fjörðinn
í kvennaflokki er leikinn í dag kl 16:00 í Kaplakrika. FH.is hefur síðastliðna
eina og hálfa viku fjallað ítarlega um karla- og kvennaleikina en á þessum tíma
hefur Hafnarfjarðarbær verið á öðrum endanum. Í dag verður síðasta innslag
fyrir leikinn þegar þjálfarar kvennaliðanna, Guðmundur Karlsson, þjálfari FH,
og Díana Guðjónsdóttir, þjálfari Hauka, setjast niður með fréttamanni FH.is:
Guðmundur Karlsson
Hafnarfjarðarslagur
hlýtur alltaf að vera spennandi í boltanum, eigum við ekki von á hörkuleik
þetta árið?
Jú
það er alltaf svolítið sérstök tilfinning að spila þessa leiki og þó að
Hauka-liðið sé mjög vel mannað af íslenskum leikmönnum og erlendum leikmönnum
þá verður þetta engu að síður hörkuleikur. Bilið á milli liðanna fer minnkandi
og því góðar líkur á spennuleik.
Hvernig
finnst þér mótið hafa farið af stað, leikir, umgjörð og slíkt?
Mótið
er stórskemmtilegt, mikið um jafna leiki og umgjörð öll til fyrirmyndar. Það
eru sóknarfæri og ef ég horfi á það sem stendur mér næst, þ.e. FH þá er verið
að vinna gríðarlega góða vinnu allt í kring og mikill viðsnúningur innan vallar
sem utan.
Eitthvað
sem hefur komið þér á óvart eða er þetta allt eftir bókinni?
Þetta
er svona nokkuð eins og maður bjóst við en ég hefði nú samt tippað á að Valur
yrði á toppnum enda með hörkumannskap. Það eru 3 lið sem eru sterkust,
Stjarnan, Valur og Haukar en baráttan um fjórða sætið er kannski opnari en
maður hélt.
Ertu
sáttur við leik þíns liðs til þessa? Hvað þarf að bæta?
Heildarsvipur
liðsins er miklu mun betri og allt skipulag að koma til. Góðir leikkaflar hafa
lengst og vinnu-eðli hópsins er mjög gott og það er ég ánægður með. Það eru
margir hlutir sem þarf að bæta en það er þó helst varnarleikur og
hraðaupphlaup.
Spá
um úrslit?
24:23
Díana Guðjónsdóttir
Hvernig
líst þér á Hafnarfjarðarslaginn, eigum við von á hörkuleik?
Já
ég á ekki von á öðru. Það er alltaf einhver önnur stemming þegar þessi lið
mætast.
Hvernig
finnst þér mótið hafa farið af stað, leikir, umgjörð og slíkt?
Mjög
vel en auðvitað mættu vera fleirri áhorfendur. En ég get ekki kvartað,
stuðningsmenn Hauka hafa verið duglegir að láta sjá sig og hópurinn er alltaf
að stækka. Stuðningurinn gerði t.d. gæfumunin á móti Val í síðasta leik.
Umgjörðin hefur verið mjög fín á leikjunum sem mitt lið hefur spilað.
Eitthvað
sem hefur komið þér á óvart eða er þetta allt eftir bókinni?
Þetta
hefur verið svona nokkuð eftir bókinni. Það sem kemur mér kannski á óvart er
hvað einstaka, ungir leikmenn, sem voru mjög sterkir á síðustu leiktíð, hafa
sést lítið nú í vetur.
Ertu
sátt við þitt lið það sem af er móti?
Ég
er nokkuð sátt við mitt lið það sem af er. Auðvitað er alltaf eitthvað sem hægt
er að laga og við munum vinna í því í vetur.
Spá
um úrslit?
Við
munum skora fleiri mörk en þær í þessum leik því við ætlum okkur sigur.
FH.is þakkar þessum frábæru þjálfurum fyrir spjallið og megi betra liðið sigra í dag!!!
Áfram FH!!
