FH - Akureyri
Kaplakriki,
sunnudagurinn 9. Nóvember 2008, kl 17:00
Á sunnudaginn
leikum við FHingar í 16 liða úrslitum Eimskipsbikar karla gegn Akureyri. Þetta
verður enn einn stórleikurinn í Krikanum því karlalið FH sigraði baráttuna um
Hafnarfjörð á miðvikudaginn og á morgun eigast topplið N1 deildarinnar.
Gengi liðanna
Akureyri vann stórsigur á Handknattleiksfélagi
Reykjanesbæjar HKR í 32 liða úrslitum
bikarsins og FHingar lögðu Víkinga 2 einnig með miklum mun. Um var að ræða
viðureignir við tvö b-lið og því fyrirstaðan lítil. Akureyri hefur komið mjög á
óvart í deildinni í haust og er í öðru sæti á eftir okkur FHingum. Akureyri
tapaði fyrir Hafnarfjarðarliðunum í fyrstu tveimur leikjum en hefur síðan unnið
5 leiki í röð í deildinni með frábærri spilamennsku og ekta norðanmannaseiglu.
FH hefur ekki síður komið fólki á óvart og flestir ekki búist við að FH og
Akureyri yrðu efst eftir 1. Umferð deildarinnar. FH hefur sigrað Hauka,
Akureyri, Víkinga og Stjörnumenn, gerðu jafntefli við Val og Fram og tapaði
einum leik gegn HK. Þetta gerir 10 stig á lið. Það er því um algjöran toppslag
að ræða á sunnudag.
Andri Snær Stefánsson hefur verið góður í haust
Akureyrarliðið
Akureyri hefur
eins og áður sagði spilað betur en menn þorðu að vona miðað við þá krísu sem
liðið lent í sl. sumar þegar fjöldi leikmanna yfirgaf liðið, en með grettistaki
náðu menn að standa saman og liðinu hefur gengið frábærlega eftir erfiða
byrjun. Andri Snær Stefánsson hefur verið frábær í liði Akureyrar í haust og
skorað mikið í leikjum. Jónatan Magnússon hefur einnig verið góður sem og Árni
Sigtryggson. Rúnar þjálfari hefur loks náð að skapa einingu útúr brotum KA og
Þórs og miðað við spilamennsku í síðustu leikjum er Akureyri til alls líklegt í
vetur.
Nonni lék vel gegn Haukum
Undirbúningur
FH hefur náð sér
niður á jörðina eftir afar frækinn sigur á liði Hauka á miðvikudagskvöld. FH
liðið er á rjúkandi siglingu rétt eins og Akureyrarliðið og því er um að ræða
mjög athyglisverðan leik og án efa verður hart barist á sunnudag. Bikarinn er
að veði!
Ástand
Sjúkralistinn er sá
sami og áður. Hjörtur er að finna bót meina sinna, er spilfær, og þeir Óli
Gúst, Árni Stefán og Heiðar allir utan vallar. Liðið er annars í hörkustandi og
menn engan veginn búnir að fá nóg af stórleikjum.
Stuðningur
Það sýndi sig í
vikunni að FH hefur á að skipa einhverja fjölmennustu og dyggustu áhangendur á
Íslandi. Leikurinn gegn Haukum var einstakur. Hann fer í sögubækurnar og ljóst
að ekki hafa komið fleiri áhorfendur á handboltaleik síðan í kringum 1992.
Stuðningsmenn með Mafíuna í fararbroddi fleyttu liðinu yfir hjallann og urðu
til þess að FH endurheimti Fjörðinn. FH.is hvetur þessa frábæru áhorfendur sem
mættu á miðvikudag að gera sér glaðan dag á sunnudaginn kl 17 og láta sjá sig í
Krikanum. Nú er ekki aftur snúið góðir FHingar.
Næsta takmark eru 8 liða úrslitin!
Áfram FH!!!
