VS 

Víkin, fimmtudagurinn 2. október kl 19:30

Við FHingar leggjum leið okkar í Fossvoginn, nánar tiltekið í Víkina í næsta leik fimmtudaginn 2. október. Víkingana þekkjum við vel frá síðasta tímabili en liðið fylgdi okkur upp í úrvalsdeild síðastliðið vor.

Gengi liðanna

FH liðið tók á móti HK mönnum á fimmtudaginn var og beið naumlega lægri hlut. Liðið sýndi mikla baráttu og áræðni og átti í fullu tréi við HK menn en HK er gífurlega vel skipað og hefur mikla breidd. FH vann í vikunni áður Akureyri í góðum leik fyrir norðan.

Fyrirliðinn einbeittur

Víkingar byrjuðu virkilega vel gegn Fram í síðasta leik, náðu góðri forystu mjög snemma en fljótlega seig undan og Fram vann nokkuð sannfærandi sigur. Áður átti liðið ágætan leik gegn Valsmönnum en eftir jafnan leik höfðu Víkingar ekki undan og biðu lægri hlut. FH hefur tvö stig í fimmta sæti, Víkingur ekkert í því sjöunda.

Víkingsliðið

Víkingum er spáð neðsta sæti deildarinnar á eftir okkur í FH. Liðið er feykilega ungt rétt eins og FH liðið og hefur hópur þeirra lítið sem ekkert breyst frá tímabilinu í fyrra. Í samtali við sport.is fyrir mótið sagði Róbert Sighvatsson þjálfari Víkinga að liðið sé búið að leggja mikið á sig fyrir tímabilið og æft vel, meðal annars farið í æfingaferð til Þýskalands. Styrkur þess sé án efa mjög góð liðsheild.

Tekið á Aroni gegn HK

Undirbúningur

Menn voru tiltölulega svekktir með tap í síðasta leik gegn HK því ekki var spurning að liðið hafði góða möguleika á að ná amk stigi út úr leiknum. Liðið spilaði samt sem áður mjög vel og tekur það veganesti með sér í næsta leik þar sem ekkert er annað á borðinu en sigur. Liðið hefur æft vel og er mjög fókuserað á næsta leik.

Ástand

Ástand manna er ágætt. Þó er eitthvað um meiðsli. Hjörtur Hinriksson fyrirliði og hornamaður er að krafsa sig út úr ökklameiðslum en verður með. Hilmar Þór Guðmundsson markvörður er slæmur í baki og er frá, Ari Þorgeirsson hornamaður er slæmur í hné og óvíst er um þátttöku hans, Árni Stefán Guðjónsson hornamaður glímir við erfið bakmeiðsli, Ólafur Gústafsson skytta er í hnémeiðslum og Heiðar Örn Arnarson skytta er enn að fást við axlarmeiðsli. Liðið hefur þó úr nægu að moða og er til í slaginn.

Maggi blæs út í markinu

Líklegur hópur á fimmtudag:

Markverðir

Magnús Sigmundsson

Daníel Andrésson

Aðrir leikmenn

Guðmundur Pedersen

Benedikt Reynir Kristinsson

Ólafur Guðmundsson

Ásbjörn Friðriksson

Aron Pálmarsson

Guðni Már Kristinsson

Jón Helgi Jónsson

Halldór Guðjónsson

Reynir Jónasson

Hjörtur Hinriksson

Sigurður Ágústsson

Sigursteinn Arndal

Óli Guðmunds gegn HK

Staðan

Stuðningur

Það var virkilega gaman að mæta upp í krika með 600-700 manns í stúkunni í síðasta leik. Frábær stemmning og umgjörð var í húsinu og stuðningur áhorfenda var frábær, enda valdir áhorfendur umferðarinnar að mati www.handbolti.is. Við vonum að FHingar slái ekki slöku við, taki fimmtudagskvöldið frá og mæti niður í Fossvog til að sjá hörkuleik og annan FH sigurinn á tímabilinu!

Áfram FH!

Heiðar Örn Arnarson