VS 
Kaplakriki, fimmtudagurinn 25. september, kl. 19:30
Önnur umferð N1 deildar karla fer fram fimmtudaginn 25.
september og laugardaginn 27. september. Á fimmtudagskvöldið tökum við FHingar á móti HK mönnum úr Kópavogi. Von
er á hörkuleik. HK liðið tapaði heldur illa fyrir Fram í síðasta leik en við
FHingar fórum norður á Akureyri og hirtum stigin sem þar voru í boði.
Gengi liðanna
FH liðið fór góða ferð til Akureyrar síðasta fimmtudag í
fyrsta leik mótsins og nældi í sigur á lokasprettinum með miklum karakter eftir
jafnan baráttuleik. HK var aftur á móti heillum horfið í sínum fyrsta leik gegn
Fram á heimavelli, a.m.k. í fyrri hálfleik. Í seinni hálfleik var forysta Fram of
stórt bil að brúa fyrir HK menn .
HK liðið.
HK liðið er með mikla og góða breidd og vel mannað lið. Þeir
hafa þó misst alla sína útlendinga þá Strazdas, Petja, Sergey og Tomas en fengið
í staðinn klassa leikmenn eins og Sverre Jakobsson silfurlandsliðsmann frá í
sumar, Valdimar Þórsson erlendis frá, Jón Björgvin og Einar Inga frá Fram, og
Sveinbjörn markvörð frá Akureyri. Fyrir hjá liðinu eru svo sterkir leikmenn og
má þar nefna FHinginn og varnartröllið Sigurgeir Árna Ægisson. HK liði er því
heldur óárennilegt og klárlega Íslandsmeistarakandídatar.
Undirbúningur
FH liðið æfir nú sem
aldrei fyrr tilbúnir að leggja allt í sölurnar fyrir fyrsta heimaleikinní vetur en
ætla að selja sig dýrt. Munurinn á pappír telur ekkert þegar á gólfið er komið
og engin spurning er að fast verður tekið á móti Kópavogsbúum er þeir mæta í
krikann.
Ástand
Ástand manna er með fínasta móti. Þó eru einhverjir búnir að
lenda í hnjaski. Fyrirliðinn Hjörtur er óðum að jafna sig og von er á að hann
verði vel spilfær. Hilmar Guðmundsson markverja er tæpur í baki og óvíst með
þátttöku hans í leiknum. Ólafur Gústafsson, Heiðar Arnarson og Árni Stefán
Guðjónsson verða áfram frá keppni í einhvern tíma. Aðrir eru afar sprækir og í
fínu standi.
Líklegur hópur á
fimmtudag
Markverðir
Magnús Sigmundsson
Daníel Andrésson
Aðrir
leikmenn
Guðmundur Pedersen
Benedikt Reynir Kristinsson
Ólafur Guðmundsson
Ásbjörn Friðriksson
Aron Pálmarsson
Guðni Már Kristinsson
Jón Helgi Jónsson
Ari Magnús Þorgeirsson
Reynir Jónasson
Hjörtur Hinriksson
Sigurður Ágústsson
Sigursteinn Arndal
Stuðningur
Góðir FHingar. Um er að ræða fyrsta heimaleik FHinga í
Úrvalsdeild í tvö ár. Nú er tækifærið að líta hetjurnar okkar augum og styðja
þá með ráð og dáð. Strákarnir ætla sér að berjast til síðasta blóðdropa og
stuðningur áhorfenda getur án nokkurs vafa fleytt þeim langleiðina til sigurs.
Mætum öll og hjálpum strákunum í baráttunni.
Áfram FH!!!
Heiðar Örn Arnarson