Óðinn Björn er íþróttamaður FH 2010

Óðinn Björn hlýtur þá sæmd fyrir kúluvarp, varpaði hann kúlunni 19,50 m innanhúss, sem er mjög góður árangur og hans besti í kúluvarpi og gefur 1090 stig í alþjóðlegri stigatöflu og er hann stigahæsti Íslendingurinn í frjálsíþróttum á árinu. Óðinn er í 38 sæti yfir bestu kúluvarpara heims innanhúss, 22. sæti í Evrópu og næstbesti Norðurlandabúinn. Óðinn Björn varpaði kúlunni 19,37 utanhúss sem er hans besti árangur utanhúss, hann er í 65. sæti á heimslistanum, 36. sæti í Evrópu og næstbestur Norðurlandabúa. Óðinn Björn er með fjórða besta kúluvarparsárangur Íslendinga frá upphafi. Óðinn Björn er Íslandsmeistari innanhúss og utanhúss í kúluvarpi, Bikarmeistari innanhúss og utanhúss í kúluvarpi. Einnig var hann Íslands- og Bikarmeistari í kringlukasti utanhúss. Óðinn Björn náði lágmarki á EM sem fram fór í Barcelona í júlí og ágúst.
Karlalið FH sigraði í öllum stigakeppnum á árinu og átti Óðinn þátt í öllum sigrunum.
Óðinn Björn hefur aldrei æft meira og búast má við enn meiri árangri frá honum á næstu árum.
Óðinn Björn hefur mikinn félagsþroska og er góð fyrirmynd fyrir aðra íþróttamenn.

Hér að neðan má sjá aðra sem útnefndir voru og umsagnir deilda.

Nefnd um val á íþróttamanni FH fyrir árið 2010 hefur komið saman og yfirfarið fyrirliggjandi tilnefningar deilda félagsins.

Íþróttamenn FH sem tilnefndir voru eru:

Frjálsíþróttadeild:
Sara Úlfarsdóttir
Óðinn Björn Þorsteinsson

Handknattleiksdeild:
Ólafur Guðmundsson
Ragnhildur Rósa Guðmundsdóttir

Knattspyrnudeild:
Ólafur Páll Snorrason
Sigrún Ella Einarsdóttir

Skylmingadeild:
Gunnar Egill Ágústsson
Aldís Edda Ingvarsdóttir

Það er niðurstaða nefndarinnar að mæla með því til aðalstjórnar að fyrir valinu verði:

Íþróttamaður FH 2010: Óðinn Björn Þorsteinsson

Með bestu kveðju, Hafnarfirði 23. desember 2010

Kristjana Aradóttir, formaður
Guðjón Árnason
Guðmundur Hilmarsson
Kristinn Guðlaugsson


Frjálsíþróttadeild FH

Sara Úlfarsdóttir er afrekskona Frjálsíþróttadeildar FH.

Hlýtur hún þá sæmd fyrir 200 m hlaup, Sara hljóp á tímanum 26,54 sek í 200 m hlaupi sem gefur 896 stig í alþjóðlegri stigatöflu, hljóp hún á þessum tíma á Meistaramóti Íslands. Sara er vaxandi hlaupari og má búast við enn betri árangri frá henni á næstu árum. Sara var fyrirliði kvennaliðs FH sem er mjög ungt lið og vaxandi. Sara hefur mikinn félagsþroska og er góð fyrirmynd fyrir aðra íþróttamenn.

Óðinn Björn Þorsteinsson er afreksmaður Frjálsíþróttadeildar FH.

Óðinn Björn hlýtur þá sæmd fyrir kúluvarp, varpaði hann kúlunni 19,50 m innanhúss, sem er mjög góður árangur og hans besti í kúluvarpi og gefur 1090 stig í alþjóðlegri stigatöflu og er hann stigahæsti Íslendingurinn í frjálsíþróttum á árinu. Óðinn er í 38 sæti yfir bestu kúluvarpara heims innanhúss, 22. sæti í Evrópu og næstbesti Norðurlandabúinn. Óðinn Björn varpaði kúlunni 19,37 utanhúss sem er hans besti árangur utanhúss, hann er í 65. sæti á heimslistanum, 36. sæti í Evrópu og næstbestur Norðurlandabúa. Óðinn Björn er með fjórða besta kúluvarparsárangur Íslendinga frá upphafi. Óðinn Björn er Íslandsmeistari innanhúss og utanhúss í kúluvarpi, Bikarmeistari innanhúss og utanhúss í kúluvarpi. Einnig var hann Íslands- og Bikarmeistari í kringlukasti utanhúss. Óðinn Björn náði lágmarki á EM sem fram fór í Barcelona í júlí og ágúst.

Karlalið FH sigraði í öllum stigakeppnum á árinu og átti Óðinn þátt í öllum sigrunum.

Óðinn Björn hefur aldrei æft meira og búast má við enn meiri árangri frá honum á næstu árum.

Óðinn Björn hefur mikinn félagsþroska og er góð fyrirmynd fyrir aðra íþróttamenn.

Handknattleiksdeild FH

Ragnhildur Rósa Guðmundsdóttir:

Ragnhildur Rósa er leiðtogi meistaraflokks kvenna innan vallar sem utan. Hún var markahæsti leikmaður liðsins á síðasta tímabili sem endaði í 6. Sæti N1 deildarinnar með 18 stig sem er talsvert betri árangur en árið áður. En liðið hefur stöðugt bætt árangur sinn undanfarin ár og leikur liðsins tekið miklum framförum.

Ólafur Andrés Guðmundsson:

Ólafur var markahæsti leikmaður meistaraflokks karla FH tímabilið 2009-2010 ásamt því að vera markahæsti leikmaður liðsins á núverandi tímabili. Ólafs varð hann atvinnumaður hjá AGK í Kaupmannahöfn á árinu en liðið lánar hann til FH þetta tímabil, sem sýnir glöggt gæði Ólafs sem handboltamaður.

Ólafur var í leikmannahópi íslenska landsliðsins sem náði þeim frábæra árangri að vinna bronsverðlaun á Evrópumeistaramótinu í Austurríki í janúar síðastliðinn. Hann var einnig lykilmaður í U-21 árs landsliði íslands sem náði 8. sæti á Evrópumótinu í Slóvakíu í Ágúst.

Knattspyrnudeild FH

Knattspyrnudeild F.H. útnefnir Ólaf Pál Snorrason knattspyrnumann ársins hjá F.H.

Ólafur Páll Snorrason var fastamaður í liði F.H. sem varð Visa-bikarmeistari 2010, hafnaði í 2 sæti í Pepsi-deildinni, tók þátt í Evrópukeppninni með F.H. og spilaði með A-landsliði karla.

Ólafur Páll var valinn leikmaður ársins af leikmönnum F.H. og var valinn í lið ársins í Pepsí-deildinni.

Ólafur Páll hefur með frammisstöðu sinni á s.l. keppnistímabili sannað sig sem einn af betri knattspyrnumönnum sem spila á Íslandi í dag.

Kvennaráð knattspyrnudeildar F.H. tilnefnir Sigrúnu Ellu Einarsdóttur sem leikmann ársins 2010.

Sigrún hóf síðasta tímabil sem einn af okkar ungu og efnilegum leikmönnum. Hún elfdist með hverjum leik í Pepsí-deildinni og var á seinni hluta tímabilsins algjör lykil leikmaður í liðinu og ein af af helstu ástæðum þess að liðið náði góðum árangri í seinni hluta íslandsmótsins. Þessu til viðbótar æfði Sigrún og spilaði með U19 ára landsliðinu á árinu og átti sinn þátt í góðu gengi þess.

Skylmingardeild FH

Gunnar Egill Ágústsson er íþróttakarl Skylmingadeildar FH. Gunnar hefur á árinu unnið Norðurlandameistaratitil í flokki U21 ára. Gunnar var í öðru sæti á Íslandsmótinu í Opnum flokki sem og í U21. Gunnar hefur verð síðustu fjögur ár einn af lykilmönnum í aðalliði FH. Á þessu ári tryggði Gunnar liði FH Íslandsmeistaratitilinn í liðakeppninni með glæsilegum lokabardaga en leikar enduðu 45:43 . Gunnar er einn af lykilmönnum U21 landsliðsins. Gunnar náði einnig ágætis árangri á Viking Cup í ár en hann endaði í fimmta sæti. Gunnar er einn sá efnilegasti á Íslandi í dag hvort sem er litið á U21 eða Senior flokkana.

Aldís Edda Ingvarsdóttir er íþróttakona skylmingadeildar FH. Aldís Edda er í U18 ára landsliðinu. Aldís náði ágætis árangri á árinu, á Íslandsmótinu lenti hún í 3. sæti í kvennaflokki og í U18. Á Norðurlandamótinu í sumar lenti Aldís í öðru sæti í U18. Aldís er án efa ein af okkar ungu og efnilegu skylmingakonum á Íslandi í dag.